政情：今日你上鏡：龔氏姊妹拗手瓜無敵手

「冰桶挑戰」慈善活動熱潮未減，尋日華懋集團主席龔仁心同兩位家姐，包括華懋執行董事兼市場部總監龔中心及董事龔因心，在荃灣如心海景酒店同一班專欄作家食晚飯，期間就有人就提議龔氏三姊弟接受冰桶挑戰，但龔中心就笑言，如果要佢淋冰水，不如先拗贏佢手瓜喎。原來龔中心、因心自小在鄉下就要負責去水井擔水供一家人飲用，因為水井深，佢哋要拉水桶條繩拉足四十幾吓，先可以將個水桶拉上嚟，所以練成驚人臂力。不過，大家唔係好信，逐個同龔氏姊妹比試，點知真係冇人贏到佢哋，所以兩人唔係隨口噏o架！