住戶捧五倉鼠走34層保命

聞警開咪 帶三寶逃生

居民馬小姐表示，事發時聞到膠味，警鐘聲響起時以為是停升降機，其後警方在地下開咪叫人離開，她立即帶同逃生三寶，包括電話、濕毛巾及鑰匙逃命。

另一名何先生拍下火警情況，稱：「成個窗飛出嚟，煙就冷巷走，火喺窗門出。」又指：「個男戶主當差，梗係救人出嚟先啦！帶埋啲細路出嚟呀嘛！」

家住卅四樓的楊小姐，事發時嗅到濃烈的燶味，在窗口見有黑煙升起，立即叫醒母親逃生，惟楊母未知火勢如此猛烈，竟稱：「等我瞓多一陣先啦！」她之後與母親及胞妹帶同五隻倉鼠逃生，她們走幾層樓梯後，發現濃煙已攻上，只好改走另一樓梯，走足卅四層逃生。

另一名住戶王太指，昨凌晨在睡房內睡覺，並關上房門及開啟冷氣機，惟濃煙攻入房間，她被嗆醒後慌忙取濕毛巾逃生，幸無大礙。

住在廿三樓的黃太表示，事發時驚聞有人大嗌：「走火警呀！」她才慌忙沿樓梯逃生，當時秩序良好，未見混亂。