《退休保障的未來發展研究報告》今個星期出台，港大教授周永新就建議設立「全民老年金」，透過開徵「薪俸老年稅」，由僱主及僱員雙方供款，老人家每月可領取三千元，搞到好多市民同僱主個個牙痛咁聲。不過，工業總會主席劉展灝竟然「反其道而行」，話如果政府要向商界「開刀」，寧願蝕底少少，叫政府酌量微增加利得稅喎！講到底，商界一班僱主都係唔甘心或唔想孭飛，寧願畀多少少利得稅，都要將個波踢番畀政府自行承擔。
