政情：今日你上鏡：孫公話當年 「冇嘢拆唔掂」

教育局前局長孫明揚退休後休養咗一段時間又再度活躍，經常見到佢同太太鍾小芬拍拖出席派對。早幾日孫公夫婦就邀約以前嘅新聞秘書李崇明（Timothy）一齊歎福建菜。Timothy講同孫公起共事多年趣聞時話，每次佢敲孫公辦公室度門時，就見到老闆皺晒眉，事關佢搵孫公實有事發生喎！孫公就笑笑口話，冇嘢喎，有事一定拆得掂！正所謂「薑愈老愈辣」，孫公喺政壇咁老練，確實係冇嘢驚嘅，似係Timothy驚啲囉！