中環出更：梁美芬淋冰水挑機喊「廷」

隨着世界各地對有「漸凍人症」之稱嘅肌萎縮性脊髓側索硬化症更加關注，香港都興起「冰桶挑戰」熱潮，就連立法會議員梁美芬尋日都接受挑戰。佢喺旗下石硤尾議員辦事處外淋冰水，話期望冰水可以潑熄現時喺香港嘅火頭，並宣揚愛心，使香港得到和平穩定喎。梁美芬為咗潑熄香港嘅火頭，於是提出要求「佔領中環」行動發起人之一嘅戴耀廷接受淋冰桶挑戰。