中環出更：阿仔冧莊主席 梁君彥讚完又呻

晚宴籌委會主席林凱章（Victor）都獲爸爸林健鋒到場做啦啦隊。Victor通宵達旦做準備，雙眼紅晒，爸爸睇見好肉赤，不忙讚賞兒子「大個仔了」，做事井井有條，接掌家族的玩具生意後，更做得有聲有色。雖然獲爸爸點名力讚，但Victor未敢飄飄然。問佢爸爸有乜缺點，佢露出鬼馬笑容話：「有都唔敢講啦，何況係冇？」

菁英擔大旗表演

講番就職禮，出爐菁英會第十七期同學擔大旗表演，上台載歌載舞。東華三院總理李曠怡與大家樂集團太子爺陳浩弘齊齊戴番副「黑超」，狂野地跳起Hip Hop，引來全場尖叫聲，原來兩人秘密練兵兩個幾月。尋晚就職禮嘅嘉賓真係好多人，包括身兼全國青聯副主席嘅新世界集團執董兼聯席總經理鄭志剛、中華廠商聯合會會長施榮懷等。

菁英會名譽主席鄭志剛（左）巧遇榮譽主席楊華勇（右），不忘交流湊仔經。

盧金榮（左二）就任常務副主席，家姐盧金治（右一）、姐夫吳永嘉（左一）及盧太Patsy（右二）總動員到賀。

卓妮轉過頭仲遇到叙福樓集團執董黃傑龍（Simon），佢大爆早前越洋收到緊急求助短訊，乜事咁緊張呢？原來係一位日本餐廳老闆因公司一半夥計劈炮唔撈，人手少到無法開店，急急喺飲食界老友的群組內求救，呼籲好友相借人手一用，並盡快「薦人」。當時身在歐洲嘅Simon睇到短訊都嚇咗一跳：「缺人缺到開唔到舖，真係好誇張。」

卓妮