私隱專員蔣任宏尋日發表網誌，透露今個月初向商務及經濟發展局建議將人對人直銷電話，納入拒收信息登記冊，點知早一星期收到局方覆函，對個人資料私隱專員公署冇公布就直銷電話嘅調查方式感到失望及不滿，並質疑調查結果，又話公署唔事先單聲，仲話局方冇責任跟進公署建議喎。如果呢啲直銷電話唔關商經局事，咁局長蘇錦樑早前就唔使回應有關調查話要顧及就業及經濟情況啦，當時佢仲話研究由業界自我監管添，可能佢真係瞓未醒，睇嚟前日佢淋一桶冰水唔多夠，淋多桶就差唔多喇！
