中銀開戶口 住址證明無標準
「明明兩封信都係中銀發出，不過佢話一封係澳門中銀，另一封保險信個受保地址唔係我嘅地址，但係上面收信個地址係我屋企嘛！」早前張先生於周六中午到中國銀行梨木樹邨分行開戶，以兩封由中銀發出的信件作住址證明，未料卻遭職員拒絕，惟事後到沙田分行卻能成功開戶，「我星期一拎番呢兩封信去沙田，人哋又即刻幫我整到，咁點解之前又話唔得？」
質疑「趕放工」拒辦理
中銀發言人未有正面回覆事件，僅指一般情況下，如客戶提供住址證明文件由非本地銀行或金融機構發出，職員需確認後才可辦理開戶手續，如職員未能即時確認住址證明文件，會請客戶留下聯絡資料，稍後回覆。
「佢都冇答點解一間得一間唔得，同埋佢從來冇叫我留低資料，如果有嘅我點會唔做？」張先生不滿銀行未有解釋事件，質疑職員因周六「趕放工」而拒絕處理開戶申請。