小西灣海濱 驚現私砌泳棚

泳客私建泳棚海邊暢泳,隨時樂極生悲!有巿民發現小西灣海濱花園外有人以石屎鋪砌「私家路」直通海邊游水,更自設平台及太陽傘,儼如私人度假村,疑事涉佔用官地,鑑於泳棚不設救生員,擔心一旦有人遇上意外將欲救無從。前香港游泳代表警告,海泳具一定風險;立法會議員則指佔用官地屬違法,惟基於巿民需求,建議政府考慮增闢附設救生員的泳棚,以滿足需求。

「點解會任得啲人鋪條路出嚟,仲要放晒太陽遮,好似私家海灘咁?」李先生不時到小西灣海濱花園散步,近日發現有人頻頻搬運水泥,在花園外開闢小徑,並於近海淺水處搭建平台。李指每逢周末即見有泳客前往海泳,擔心或釀悲劇,「呢度冇救生員睇住、唔知有冇暗礁,維港又咁多船經過,如果一個浪冚埋嚟浸到人咁點算?」

無救生員 海泳發燒友合建

記者實地了解,發現有小徑通往海邊,設備更一應俱全,包括浮波、長椅、太陽傘,更有水泥砌成的階級,期間有泳客到來游泳。其中一名泳客坦承泳棚由一眾海泳發燒友合力興建,「去泳池又要同人逼、又多氯氣,游到成個人都白晒,呢度係我哋夾手夾腳起出嚟,但係就算外人嚟游都唔使話畀錢我哋!」

地政總署發言人承認曾接獲四宗相關投訴,隨後派員實地視察,證實在未批租及撥用政府土地上有未經准許的石屎路及平台。

地署:已飭令停止佔官地

該署又指,已按《土地(雜項條文)條例》張貼通告,飭令佔用人停止佔用,倘限期後仍未見停止,將採取清拆行動。發言人強調,如發現涉事人士,並在掌握足夠證據及徵詢法律意見下,將考慮提出檢控,最高可被罰款一萬元及監禁六個月。

前香港游泳代表陳仲維指,海泳有很多難預知風險,即使泳術精湛亦有機會發生意外,「喺海游水最大嘅風險係深度唔會有定位,可能你企個位仲係浸到腰,但行多步就已經可以沒頂,同埋有船經過就會帶嚟暗湧,水位可以相差成兩、三米。而俗稱『鬼掹腳』嘅海草亦足以攞命!」

議員建議築泳棚滿足需求

「霸官地一定係唔啱,同埋最緊要嘅都係市民安全,只不過社會對海泳都有需求,將來維港水質改善之後政府可以諗吓會唔會起番泳棚,到時加番救生員就可以變雙贏。」立法會發展事務委員會委員陳恒鑌認為,待淨化海港計劃完成後,維港水質有望改善,若情況許可,建議政府探討於維港兩岸興建泳棚的可能性。

記者:呂耀焜

攝影:伍思明

第一手消息請下載on.cc東網iPhone/iPad/Android/Windows Phone Apps