政情：慢必「出手」質M叔

麥當勞餐廳早前被揭使用上海福喜食品嘅「過期肉」，並有隱瞞公眾之嫌。近日離港外遊嘅立法會議員「慢必」陳志全，尋日喺社交網站上載一張佢喺外國麥當勞餐廳門口、手指指質問一個麥當勞叔叔人像嘅相片，並留言指「福喜事件還未清楚交代，別再詐傻扮懵」。不過有網民就關注，慢必一面用右手指住麥當勞叔叔，隻左手卻放咗喺麥當勞叔叔兩腿之間嘅敏感部位，笑言慢必隻手「摸咗去邊？」。慢必再有留言，問網民香港有邊間麥當勞餐廳有麥當勞人像，但係就隻字不提自己隻左手，莫非佢想喺香港再狙擊多麥當勞叔叔多一次？