全國人大常委會快將就本港政改制訂框架，令本港氣氛愈來愈緊張，連中聯辦亦喺呢個時候同泛民主派立法會議員會面。不過，大家見都未見，身兼港區全國人大代表嘅行政會議成員鄭耀棠（棠哥）尋日就竟然話，雙方會面只係個姿態，因為中央早已有立場，所以到時都係你有你講，我有我講。咁講法係咪中央已一錘定音乜都無得傾呢？以棠哥嘅身份喺呢個時候講埋啲咁嘅嘢，好易令人覺得佢幫中央傳話，隨時變成政改倒米壽星。
