中環出更：胡志強來港又招風雨
本屆美食博覽今日展開，台中市市長胡志強繼去年來港推介台中美食後，今年再接再厲，來港為將會參展嘅台中食品商打氣。胡志強仲講笑話，兩次來港都受到熱情招待，仲落非常大雨添！去年就打風，今年就短短數小時內先後多次發出紅色及黃色暴雨警告，令佢印象深刻。
帶太陽餅訪京惹人好奇
講起第一次去北京時嘅經歷同感受，胡志強話除咗覺得北京地方好大之外，仲記得當時佢只打算去談經濟，因此帶咗盒太陽餅去做伴手禮。晚上十時工作過後，佢同太太一齊搭的士去天安門廣場，發現人群之中有個男仔一直望咗佢好耐，問佢係咪胡志強，佢心諗已被認出，惟有報以微笑，估唔到個男仔下一句竟然係問佢太陽餅嘅嘢，諗起都覺得好笑。
胡志強仲大方談及女兒胡婷婷與前夫樂壇組合Soler大孖Julio嘅短暫婚姻，佢話有時感情要發生變化都無辦法，當知道囡囡喺冷靜同堅強嘅外表下受傷很重，而自己最不願意見到女兒受傷害，但既然囡囡要求佢唔好怪責前夫，佢只好聽個囡說話喎。
卓妮