直擊K-pop工場 感受「台下十年功」
【本報訊】在體驗韓科技與環保的同時，學生們今次更有機會向頂尖K-pop跳舞導師拜師學舞，切身體驗韓星接受訓練的艱辛。在導師指導下，同學嘗試跳四個八拍，其中即將升讀中六的曾向鑒本身自組霹靂舞隊，直言首次學習K-pop，因有跳舞底子而被其他學生推舉為「舞王」。「未嚟南韓之前，覺得K-pop只係靠樣、靠身材就得，但參觀完專門培訓藝人嘅M Academy學院之後，發現佢哋嘅設備、人才都好完善，背後落咗好多心機，先會安排旗下藝人『出道』，過程可以長達七、八年，真心好佩服！」
「正所謂台上一分鐘，台下十年功，今次真係完全體會到，跳一段舞好似好簡單，其實要跳得順暢已經唔易，何況係跳得靚，真係佩服佢哋花咁多功夫！」即將升讀中五的鄧艷晶在完成跳舞訓練後直言對K-POP完全改觀，認為藝人都需要經過長時間刻苦練習才有今天的成績。期後觀賞的K-live立體影像劇場，更令鄧艷晶驚嘆南韓的科技進步，利用反射技術將一場演唱會活現眼前，立體化的影像令全場猶如置身在現場。
