街市爆喉 浸壞凍肉櫃

「個凍肉櫃係搵食工具，淋過鹹水，冇以前咁凍又生銹！」在葵芳榮芳街街市經營凍肉檔的曾先生憶述，二○一一年六月街市上層公廁鹹水管爆裂，引致天花漏水，大量鹹水浸濕凍肉櫃。當時已向食環署索償，職員表示事件已轉介建築署跟進，數年來毫無寸進，月前再透過1823政府熱線反映，至七月初才獲建築署派員覆電，但僅指示曾先生自行聯絡食環署。「食環署話建築署跟，點知建築署又叫我搵番食環署，兩邊推嚟推去鬥卸，真係搵着我嚟搞！」

食署稱仍在跟進個案

曾指事發未幾，建築署已派員完成維修天花工程，惟索償一事卻未獲回應，「問過好多次，多到我都唔記得幾多次，次次都淨係話跟進緊、跟進緊，一路係咁拖！」曾坦言對政府部門的處理手法深表失望，要求當局就事件作出交代。

凍櫃頂部滿布生銹污漬。	凍櫃底部亦出現嚴重銹蝕。	吳劍昇

食環署發言人證實，一一年六月曾接獲檔戶就凍櫃受天花漏水影響提出索償，該署曾多次聯絡投訴人要求提供進一步資料，惟直至今年一月對方才回覆指沒有額外資料提供。該署現正跟進有關個案，並會密切跟進及盡快通知投訴人有關進展。

建築署發言人則說，一直就上述個案與食環署保持聯絡，並向該署提供所需資料，以協助解決索償事宜。由於是次申索個案正由食環署跟進及統籌回覆，故該署在接獲1823政府熱線轉介曾先生的查詢後，在七月回覆曾先生時遂建議直接向食環署了解個案進展。

年初再索要購櫃單據

記者事後再向曾先生了解，獲證實食環署曾於今年初派員聯絡，惟僅要求提供當年購買凍櫃的單據。「十幾年前嘅單據已經冇留住，三年前已經講咗冇，今年又再問，真係多此一舉！」

「又唔係啲好複雜嘅索償，使唔使幾年都冇結果？」當區區議員吳劍昇認為，事件顯示食環署有拖延處理之嫌，事隔三年再要求索償人提供單據更見「離譜」，「人哋都已經講咗冇保留咁多年前嘅單據，點解仲要隔咗三年又再問過？」吳要求當局盡快處理事件，「賠定唔賠？如果賠嘅話又賠幾多？食環署點都要畀個交代！」

記者：徐少琴