政情：公民講場：肥佬黎陳太 接雙貪棒 壞港聲譽

早前多項調查指出，受到「貪曾」前特首曾蔭權爵士同「貪湯」前廉政專員湯顯明嘅連串貪腐醜聞影響，市民對香港廉潔嘅信心同評分屢創新低。尋日公布嘅港大民調再顯示，市民對香港廉潔指標嘅評分再次急挫，創下九七回歸以來嘅新低，而今次調查嘅進行日期，正好喺首批有關黎智英秘密向陳方安生等泛民人士捐款嘅密件曝光嗰幾日，有學者直言兩者有直接關連。特區雙貪案嘅調查報告早前已交到律政司手上，貪曾同貪湯隨時會被落案起訴，不過依家又有肥佬黎同陳太接棒禍港，香港廉潔前景真係好悲觀！