政情：公民講場：財爺閂水喉 又玩狼來了

政府早前向全體政策局同部門首長發通告，由二○一六年起連續兩年節省百分之一開支作儲備，惟需上繳政府「再分配」，部門變相頓失開設新服務嘅主導權，財政司司長曾俊華（鬍鬚曾）最新網誌死撐非閂水喉同削減開支，但直言政府開支高速增長，唔可能長期維持，必須減速，否則就會有結構性財赤。有心水清嘅人話鬍鬚曾呢個論調，查實同早前由佢委任嘅長遠財政計劃工作小組嘅報告內容如出一轍，因此鬍鬚曾變相係攞正牌做閂水喉劊子手，加上鬍鬚曾有估錯數往績，究竟今次係積穀防饑定係再一次狼來了，答案相信不言而喻！