觀塘：頻停鹹水 平田邨居民不滿
入住平田邨逾十年的阿民指出，平美樓過去幾乎每個月皆會有數次突發性停止供應鹹水事故，令不少住戶大為苦惱，早前更有惡化趨勢，「每次通告都只會寫緊急維修，仲要冇寫幾時搞掂，同管理公司投訴過好多次，但最後都係不了了之！」
促增透明度公布原因
平田邨物業服務辦事處發言人表示，根據紀錄，平美樓近月曾因個別住戶單位廁所水箱有零件損壞，必須進行緊急維修，令部分樓層先後暫停鹹水供應，一般情況下於翌日已可恢復鹹水供應。另外，今年六月下旬亦因地下泵房鹹水缸浮波掣損壞，引致供水緩慢；同時鹹水泵亦未能以正常速度向天台鹹水缸泵水，故用水高峰時，部分單位會間歇性暫停鹹水供應，經維修後於七月初已回復正常。
「有問題講出嚟咪好囉，唔使我哋估估吓！」阿民認為管理公司應加強透明度，主動公布暫停供應鹹水原因。