旺角：執法不力 天橋變小販天堂
「嗰度喺正商場同天橋交界，加上仲有條自動扶手電梯落花園街，平時人流好多，所以成日都有好多小販喺度擺檔！」陳先生指旺角連接新世紀廣場行人天橋常有無牌小販擺賣，由於上址有不少市民及遊客行經，繁忙時間不時有水洩不通情況，「有時啲遊客會拖篋，加上人多，再擺幾檔真係行都冇得行！」陳要求食環署加強執法。
食署：每日派員巡邏
食環署發言人指出，一向關注有關行人天橋的無牌販賣問題，除每日派員於不同時段巡邏外，亦會安排突擊拘控行動，過去一年共拘控五名無牌小販及四次檢走小販遺下物品。
陳先生指食環署辦事處位於行人天橋旁，已有地利之便，對每日巡查仍無法取締無牌小販深表質疑，「差唔多日日都見到有人擺檔，有乜理由拉得咁少人？」