被人問先知咩事
學聯周永康話，呢幾日都帶病在身，無乜上網，所以較少睇新聞，前日突然有朋友仔問佢係咪被調查，搞到佢即刻上網睇吓發生咩事，一睇先知原來係中共周永康被立案調查。同時佢又發現有老友喺社交網站問佢係咪被捕，仲有記者問佢點算好，搞到佢都唔知畀咩反應。
話晒涉貪嘅周永康都係中共前政治局常委，加上佢嘅貪腐醜聞同中央「打老虎」消息已被廣泛報道，作為大專生都應該會有睇新聞嘅習慣，如果只識學聯周永康而唔識涉貪嘅周永康，似乎講唔通，如果有記者搞錯就更加離譜。希望呢個情況只係出現喺小部分大專生，而唔係大多數啦。