天水圍：領匯停車場 水龍頭上鎖
「今年四月尾開始，領匯就鎖晒啲水龍頭，只係開最高嗰層一個水喉位畀人洗車，其他層數嘅車主都要上去拎水落嚟先洗到。」天水圍天頌苑停車場租戶陳先生曾於停車場內水龍頭取水洗車，不滿領匯今年四月下旬開始將各層水龍頭上鎖，對車主造成不便。陳又發現有懷疑洗車公司職員自行開啟上鎖水喉。
阻洗車免損衞生
領匯發言人指該停車場嚴禁洗車，鑑於有車場用戶接駁位於各樓層的水喉位洗車，導致地面濕滑，影響環境衞生，故停車場辦事處早前調整場內水喉位數目，並保留第八層的水喉位供用戶取水抹車。發言人又稱，各水龍頭的鎖匙均由辦事處保管，並無交予車場用戶或洗車公司，鎖頭亦會不時更換。
當區區議員黃卓健批評領匯每年加租，服務卻每況愈下，「佢哋年年加租，但服務就有減無加，本來每層都有嘅水龍頭，依家鎖剩一個，人人都要上八樓拎水好唔方便。」黃要求領匯加租之餘，亦須顧及租戶需要。