壹傳媒老闆肥佬黎向泛民主派秘密捐款醜聞愈揭愈臭，當中包括先後向「民主阿婆」前政務司司長陳方安生捐款達三百五十萬元，其中三百萬元更係肥佬黎特別加碼，之後民主阿婆就為《蘋果日報》被抽廣告一事「申訴」及表示關注，涉嫌收錢幫肥佬黎向英資企業「乞廣告」。有心水清嘅市民就揶揄民主阿婆，話佢個外號唔好再叫「陳四萬」嘞，應該改名做「陳百萬」或「陳三百五十萬」，咁先至啱數喎！咁唔知將來使唔使再改名做「千萬」或「億萬」呢？
