探射燈：「贏在起跑線」灌輸正確價值觀
「要贏在起跑線！」未接觸家長教育前，一班媽媽都覺得力谷子女成材是必然的責任。但家長教育令她們意識到，揠苗助長往往只會弄巧反拙。成為父母之前做好心理準備，灌輸子女正確的價值觀，才是真正的「贏在起跑線」。
家長葉太覺得，現時「怪獸家長」風氣，是功利至上的社會逼成，恐對孩子造成童年陰影，「仔女未出世時，只期望佢哋健康快樂，但係生出嚟後見到其他家長鬥餐死，就會想自己嘅仔女都叻過人！」
「怕佢學壞 就要以身作則」
家長何太和潘太均透過家長教育課程，認識到自身的經歷對孩子影響至深，「細路仔好多行為會抄父母，唔想佢第時學壞，就要以身作則，唔係吓吓交畀人哋教！」
至於陳太，在懷孕時讀了不少家教書籍，但教孩子時仍感到力不從心，「覺得書本知識唔夠用，教唔好小朋友時會好有挫敗感。上完家長教育課程後，我先留意到自己小朋友可愛嘅一面。」