踏入七月下旬，學生都開始放暑假，用文具嘅機會應該比平日少咗，但我哋日前下午四點幾鐘，就喺中環太子大廈遇到政務司前司長唐英年太太郭妤淺，喺一間文具店入面左逛右逛。當時有一名店員主動向唐太介紹產品，之後唐太就買咗幾件好細小嘅物品，唔知係啲咩嚟呢？原來係啲細細件嘅紙手工。唐太話，佢啲仔女每年放暑假都會有好多活動，今年就參加咗義務工作，所以希望佢哋整啲小手作嚟氹吓小朋友開心，等佢哋唔使游手好閒喎！
