中年漢半年減53磅 踢走糖尿
四十歲的張先生過去十多年在內地經商，每日食量驚人，牛扒、薄餅當小食，啤酒當水飲，今年初體重達二百一十五磅，挺着四十四吋大肚腩，更患糖尿病、痛風及脂肪肝。健康響起警號，他決心減肥。事隔半年，減掉五十三磅，且搣走糖尿病及痛風，談起減肥經歷，他喜上眉梢：「成個人開心晒，可以多啲戶外活動！」
養和醫院調查發現，受訪男士的過重或肥胖比率達五成，遠較女性高，但中年男士一旦下定決心減肥，成功率反較女士高。相信因女性「多心」，愛嘗試不同方法，欲速不達。
曾心急減重致痛風加劇
張先生初時心急減肥，「營養師囑每日進食攝取一千八百卡路里，我減到一千三百卡路里；每日做半個鐘運動，我做夠兩個鐘。」結果因進食量不足及運動過量，身體水分流失多，反令痛風加劇，走路困難，竟要輪椅代步。他隨後依足營養師指引，現已回復健康身形，腰圍減至三十二吋。
廿九歲電台DJ艾力試過不同減肥方法均不成功，去年體重達三百四十磅。他因要在同學婚禮擔任司儀，下定決心減磅，改吃低脂食物，每周運動三至四次，今年中成功減掉九十磅。
本報記者