大廈外牆裂 水柱從天降
「大廈平台成日失驚無神有啲水噴落嚟，行過都畀佢彈到濕晒，都唔知係咪污糟水！」陳先生不時途經深水埗基隆街，發現有大廈平台偶有水柱從天而降，途人走避不及即被濺濕衣物，加上毗鄰有食肆經營，擔心污水會污染食物，影響附近一帶的環境衞生。
食署半年兩接投訴
食物環境衞生署發言人指出，派員調查後證實上址衞生情況良好，且未有發現有污水流出，有關水柱主要在雨天出現，與大廈平台外牆破損及裂縫有關。發言人續指，過去半年共接獲兩宗投訴，已將個案轉交相關部門跟進，強調會在適當時間採取行動。
「即使唔係污水都好，啲水唔正常咁流出都應該及早處理啦！」陳先生批評政府部門各自為政，情況持續逾年未獲處理，要求有關部門加強溝通，徹底解決問題。