立法會議員蔣麗芸（Ann）向來火爆，尋日佢再就男士有薪侍產假嘅條例草案向泛民主派開火，喺有關條例草案委員會上大鬧泛民議員唔知係咪有心推冧條草案，之後仲喺社交網站上載一段影片，話侍產假呢個議題在社會已討論咗十幾年，難得勞僱雙方有共識定出僱員可獲三日有五分之四工資嘅有薪侍產假，點知泛民議員就臨門一腳改要七日全薪侍產假，質疑泛民同商界夾計，想搞到乜都冇，仲引述有商界話推冧咗仲好，因為三日都慳番喎！
