利用「食住先」民意
其實一切只係美麗嘅誤會，官場中人解釋，最近多個民調顯示，有近五、六成市民接受政改方案「食住先」，如果泛民五區總辭，建制派以單一議題同泛民爭議席，如主打「要一人一票定係否決政改」，一旦五席搶到手，就夠立法會三分之二通過政改方案；即使只搶到部分議席，到時也可打「民意牌」，要泛民正視「食住先」民意，料到時泛民要轉軚支持政改方案，反對聲音會冇咁大。
不過，二○一○年五區總辭時，泛民開口埋口形容為五區公投，中央同建制派一直不認為香港有「公投」制度，冷處理四年前嘅五區總辭，如果為咗通過政改方案要打倒昨日的我，睇怕唔容易嘞。