顯徑邨頻壞升降機 居民鬧爆

屋邨升降機損壞頻繁,居民不滿維修歎慢板!李小姐居於沙田顯徑邨顯運樓,發現有升降機經常損壞,對居民帶來不便,「都唔知有冇搞錯,之前已經間唔時就壞,今次仲壞足成個月,有日仲試過兩部一齊壞,你話有起事上嚟都唔知點算好!」李質疑管理公司維修差劣,要求盡快重開升降機。

配件需送海外維修

屋邨物業管理公司發言人指,保養商在例行保養時發現升降機的速度控制系統異常,為確保安全,遂即時暫停升降機作詳細檢查。其後再發現驅動器部分電子板出現問題,由於損壞零件已停產,承辦商須將有關問題配件,送往海外維修中心進行維修及測試。有關電子板正修理中,修理後保養商會進行裝嵌及調校工作,相信有關升降機會於短期內回復正常操作。

發言人強調,上述升降機使用逾廿六年,屬舊式升降機,管業處亦已發通告通知住戶升降機暫停原因。

第一手消息請下載on.cc東網iPhone/iPad/Android/Windows Phone Apps