拒自費活動 團友被遺棄
臨近暑假，又是旅遊旺季，想過一個愉快假期便須加倍小心。有市民早前參加旅行團歐遊，期間因拒絕參加自費項目而被領隊「遺棄」於酒店大堂，最終揭發旅行社收費參觀的景點竟屬免費入場，開心假期變勞氣收場。旅遊界立法會議員指旅行社自費項目可讓顧客按需要參加，認為旅行社安排有改善空間。
李先生早前偕母參加「葡萄牙、西班牙八天團」，事前已得悉西班牙「塞哥維亞古城遊」屬自費項目，收費四十歐元，章程註明不參加者可於街頭拍照或自由活動。李與母親最後選擇自由活動，卻被安排在附近酒店大堂等候逾三小時。
揭古城屬免費開放
李擬於上一個景點停留、再自費乘車會合大隊亦被拒，領隊更多番着李「唔可以入古城」，「個古城又唔係旅行社嘅，憑咩叫我哋唔好入去？」李在好奇下自行前往古城探看，發現古城屬免費開放。
返港後，李先生隨即向旅行社投訴，但答覆卻令其更為震怒，「佢哋話因為我同媽媽冇參加另一個自費鬥牛表演活動，但就自己買飛入去睇，令到跟旅行社入場嘅團友覺得唔公平，所以要『做嘢』！」李指早於報團時已向旅行社報名參觀自費鬥牛表演，當時職員卻稱「未必買到飛」，李因擔心未能入場才自行於網上訂票，「佢哋冇講過唔可以自己買飛，而且啲團友同我哋一路都好好傾，根本冇人向我哋提過旅行社講嘅嘢！」
旅社：顧及安全遂拒離團
有關旅行社發言人解釋，基於安全理由，領隊當日婉拒客人停留於上一個景點，再自費乘車會合大隊的要求，並安排客人到附近酒店自由活動。發言人強調不會強迫客人參加自費項目，但因客人自行購買鬥牛表演門票做法令其他團友不滿，領隊又需向其他團友「有所交代」，最終引致「誤會」，事後已向客人致歉。
香港旅遊業議會發言人則說，過去一年曾接獲十二宗與自費活動有關的投訴，該會對收費未設限制，惟旅行社需註明金額及詳情，並於報團前提供予消費者，讓消費者自行決定是否參加。
「話明自由活動就唔應該限制客人去邊，好多時旅行社都冇安排唔參加自費活動嘅團友去邊度落腳，搞到團友覺得畀人丟低咗！」旅遊界立法會議員姚思榮指出，旅行社自費項目費用一般包括交通費及司機加班費，團友可按需要參加，領隊亦有責任確保不參加自費活動者安全，故雙方溝通極為重要。
記者：詹海萍、攝影：阮佩君