有記者團體尋日發表報告，批評班特區高官近年愈嚟愈少正式召開記者會接受傳媒質詢，其中多人更好似轉咗行做「鍵盤戰士」，頻頻透過寫網誌解釋政府政策同回應外界質疑，就算班高官偶爾肯見吓記者，好多時都要求「三不」，即不攝（影）、不錄（音）及不引述（來源），嚴重損害新聞自由同公眾知情權。咁啱得咁蹺，尋日就有三名問責高官：財政司司長曾俊華，發展局局長陳茂波同民政事務局局長曾德成，分別就樓市辣招、綠化帶建屋同規管賓館問題撰寫網誌。香港宅男老年化，港府正係重災區之一。
