民主黨立法會議員何俊仁繼早前喺立法會開會期間公然上網睇艷女照片後，又有新招博出位。泛民議員喺尋日特首答問大會玩完離場騷後，再喺會議廳外齊齊揸住寫有「真普選，無篩選」嘅紙牌影大合照，但踎喺前排嘅AV仁（前排中），竟然將個紙牌倒轉咗，直到其後埋位「扑咪」接受傳媒訪問時，佢都冇發現自己變咗「打倒」真普選，其他泛民議員同記者亦都冇提佢。唔知佢係因為日前上完街、佔完中，之後又畀警方通宵扣查後體力未恢復，定係當年佢畀人扑爆頭之後，後遺症到依家先逐漸出現？
（周依露攝）
