立法會財務委員會經過連續七個星期五、合共約三十小時嘅拉布戰，前晚終於喺七國咁亂嘅情況下，通過新界東北發展計劃前期工程撥款。事後泛民批評建制派「霸王硬上弓」，工黨主席李卓人更形容財委會主席吳亮星「吹黑哨、亮紅牌」，強行用「議會暴力」通過撥款，揚言會提出司法覆核推翻表決結果。不過，建制派就反轟泛民不擇手段拉布阻撓表決，屢次違反《議事規則》衝出座位，佢哋先至係會議大混亂嘅元兇，直斥泛民「賊喊捉賊」。究竟今次係誰是誰非，請讀者自行判斷喇。
