政情：慨嘆三大現象 李嘉誠無心睡眠
長實集團主席李嘉誠尋日以汕頭大學校董會名譽主席身份，在汕大畢業典禮上以「無心睡眠」為題致詞，佢透露最近有三大現象令佢無心睡眠，包括全球機會失衡、國家資源嘅局限及社會欠缺互信。佢寄語年輕人對未來要有承擔，以正面價值觀、關懷、耐心及解決問題嘅能力，推動社會進步。
李嘉誠話，解決機會失衡嘅其中一個方法係政府需要有靈活方略，避免產生貧富懸殊嘅憤怒，以及高福利負擔持續令社會停滯及不安。
此外，信任係凝聚社會嘅重要環節，社會一旦欠缺互信，失去正能量，政治及經濟生態將出現惡性循環。李嘉誠坦言對當前困局感到憂心，盼望畢業生視推動社會進步為己任，並且有決心及堅持去做，咁就係最好嘅酣眠良方喇！