巴士總站天花油漆剝落

巴士總站天花日久失修,市民搭車隨時「中頭獎」!家住樂富的李先生近日發現,樂富巴士總站天花油漆嚴重剝落,破損程度嚇人,「我日日都喺巴士站等車返工,嗰日無意中抬頭望吓,居然見到個天花咁殘,真係睇唔過眼!」李先生不滿房署未有做好保養工作,影響市民安全。

市民不滿維修欠效率

面對天花嚴重剝落,房署發言人僅稱涉事總站天花並無即時危險,現已安排工程組作全面檢查及修葺。發言人強調,總站天花保養事宜由建築署負責,待修葺工程完成後,房署將盡快與建築署跟進。發言人又稱,根據紀錄,辦事處過去一年並無接獲有關投訴,強調如發現公共設施損壞並有即時危險,會盡快進行修葺工程。

「爛成咁都唔係一朝一夕啦,等到依家我去投訴先拿拿聲跟進,房署係咪真係唔夠人做嘢成咁?」李先生要求房屋署檢視現有工作,確保設施保養得宜。

第一手消息請下載on.cc東網iPhone/iPad/Android/Windows Phone Apps