政情：公民講場：散播「耀」言　氹人投票

由「佔領中環」行動同港大民意研究計劃舉辦嘅「六二二」全民投票，喺早兩日已經開始網上投票，尋日再正式開放全港九新界十五個票站，供市民進行實體投票，並聲稱至今已有成六十幾萬人投咗票喎。對於有人質疑市民可利用虛構或者未成年人士嘅身份證號碼投票，又有市民投訴自己想喺網上投票時，發現已有人用咗佢個身份證號碼投票，佔中發起人戴耀廷同港大民研總監鍾庭耀解釋，一早已經知道有關漏洞，強調今次投票係講過「信」字。兩人又話，只要市民親身嚟票站投票，之前畀人冒認嘅網上投票紀錄就會被刪除。總之講到尾，就係無所不用其極氹人投票喇！