政情：公民講場：泛民建制鬥扯星爺

立法會財務委員會主席吳亮星（星爺）主持新界東北發展計劃前期工程撥款申請嘅會議，搞到會議失晒控之餘，仲要被泛民主派議員張超雄對佢提出不信任動議，批評佢唔識會議規程，根本唔勝任財委會主席一職咁話。不過，泛民想拉倒星爺係一回事，建制派大黨就唔多想接手呢個燙手山芋喇，個個口口聲聲話全力支持星爺繼續主持會議，莫非都係為咗明哲保身？星爺依家就好似孤兒仔咁，畀泛民同建制派鬥扯，搞到陀陀擰，相信當初佢接掌財委會主席時都始料不及。