拆大廈天台僭建 屋署拖八年未掂
「幢大廈無啦啦多咗一層『空中樓閣』，仲要喺正鬧市，都唔明屋宇署點解可以咁都唔做嘢？」李先生發現土瓜灣馬頭圍道有大廈天台僭建，大樓變相加建近一層，擔心樓宇結構不勝負荷，「用鋼筋水泥起多一層出嚟，點知會唔會搞到冧樓？」
只令業主自行清拆
屋宇署發言人承認，涉事的僭建物已有紀錄，於二○○六年曾按當時執法政策及《建築物條例》向有關業主發出警告，警告亦已註冊在業權紀錄上（即俗稱釘契）。發言人補充，已發信要求業主自行清拆，如未見行動，將按照新修訂執法政策，向有關業主發出清拆令。
李先生不滿屋宇署執法效率緩慢，以致涉事僭建物遲遲未能取締，「○六年拖到依家仲係叫人自行清拆，我係業主就真係睬你都傻，睇下會唔會又可以拖多十年八載囉！」