赤裸綁床上 病人無尊嚴
老婦因病於九龍醫院留醫，家屬在探病期間驚見家人全身赤裸被綁床上，身上僅以病人袍覆蓋，醫護人員竟以「病人衫冇晒佢Size」圖作開脫。家屬其後更發現病人無故骨折，認為事涉人為失誤，向院方追究卻不得要領。立法會議員及病人組織均認為事件不尋常，要求院方清晰交代病人受傷原因。
呂老太年屆九十四歲，因長期病患缺乏自理能力，早前因上呼吸道感染被送往九龍醫院留醫。不過，女兒呂小姐在一次探病期間，竟見母親全身赤裸被綁在床上，身上僅披病人袍，「之前都見阿媽有着住醫院啲格仔衫，但嗰次就露咗成個背脊出嚟，我問啲職員點解媽媽冇衫着，佢竟然話因為阿媽Size嘅衫冇晒！」
職員竟稱「病人衫冇晒佢Size」
其後呂小姐再前往探望，發現呂老太右邊腋下有大片瘀傷，手肘亦有腫脹情況，擬進一步了解情況時，護士即以探病時間已過為由要求離開，「個護士話會搵醫生睇阿媽，跟住就叫我走，但問題係點解有咁大個傷口？我點可以唔問清楚？」呂最終獲院方通知，指其母右肱骨骨折，已被送往伊利沙伯醫院，但未能解釋病人受傷原因，令呂極度不滿。
醫管局發言人證實，當日病房職員發現病人右邊手臂及腋下有瘀傷，其後證實為右肱骨骨折，受傷原因仍需調查。發言人又稱，由於當日探病時間已過，職員需繼續進行護理程序，故建議家屬先離開，事後已知會醫生為病人檢查，亦即時告知家屬有關情況。
醫局：照料長期臥床常規做法
就病人僅穿病人袍一事，發言人指病人需長期臥床、不能自理及需定時接受護理，為減輕不必要的移動，會為病人穿病人袍，強調為護理病者的常規做法。
「個病人身體都咁弱，仲要綁起雙手，冇乜可能係自己整親，搞到骨折就更加奇怪！」香港病人組織聯盟發言人曾建平直指事件不尋常，要求院方深入調查，以向家屬交代。曾又認為，雖然病人臥病在床，但院方仍然需要給予病人基本的尊重，「病人都要尊嚴，唔應該一句話方便照顧，就由得佢光脫脫，病人冇自理能力，但佢一樣有感受！」
立法會議員麥美娟則說，有關事件反映醫院人手嚴重不足，要求當局除增聘人手外，亦能加以善用，減少前線人員作不必要的文件工作，以便專心照顧病人。麥又要求院方盡快向家屬交代事件，以釋疑慮。
記者：詹海萍、攝影：阮佩君