一班立法會議員尋日齊齊出動巡視沙中線考古地盤，之後仲爭相向傳媒發言，好驚執輸行頭。其中議員黃碧雲（一舊雲）就話，佢哋巡視過地盤內嘅宋朝方井，好興奮知道該井係一口活井，「即係宋朝時期啲人喺呢度打嘅水，依家如果我哋想飲，都可以喺呢個井飲到同一口井水！」據了解，該口井現時並無水源，考古專家話可能要繼續向下掘先至有機會掘到水源。不過，唔緊要啦，尋日啲議員個個爭住發言噴口水，睇怕個井唔使掘都搵到水源喇！
