用盡時間輪流發炮
其實建制派議員呢啖氣都屈咗好耐，因為佢哋之前怕消耗更多時間而唔敢反駁「拉布」三子，預計今日完成幾十項表決後，仲有少少時間剩，於是打算用盡時間發言。不過，如果建制派唔諗辦法，明年一樣被「拉布」三子玩殘，有時得把口係冇用嘅，要用下腦至得。
不過，泛民主派亦唔輸蝕，由於今日係「六四」廿五周年，所以泛民都打算喺開會期間，集體為六四死難者默哀一分鐘。由於《議事規則》唔容許咁做，聽聞泛民已經同主席夾好，當泛民要求默哀時，主席會先行宣布暫停會議，咁泛民鍾意默哀幾耐都得，而建制派當然集體離場抗議啦，咁到時各取所需，咪皆大歡喜囉！所以話呢，政治從來都係一場戲。