在欣賞攝影作品時，大部分人都不會知道攝影過程的精彩。在阿恒的拍攝過程中，有不少獨特的思考及發現，引領他創作出從漫天灰塵中誕生的得獎作品。
「開頭都有諗過影啲人戴口罩，但都係太普通。」在構思參賽作品初期，阿恒亦有想過使用直接的拍攝方法，但最終還是選擇側寫方法，「香港人鍾意兜個圈去理解啲嘢，直接講唔係好得。」從日常生活細節中，阿恒發覺可用路邊植物作拍攝主題，「平日揸車同踩單車都會留意到天橋底同市區嘅植物上面好多塵。」
阿恒於是開始搜集資料，最終選定屯門龍鼓灘、將軍澳、流浮山、葵涌、旺角及銅鑼灣作取材地點。縱然他對路邊植物的污染情況早有所聞，但還是被堆填區的沙塵滾滾嚇倒，「去到龍鼓灘（新界西堆填區）係徹底地驚訝，（植物）變到好似一舊白色石膏咁，連路邊啲雪糕筒都係灰白色！」阿恒更打趣表示植物上的灰塵十分「頑強」，從取材地點運到家後都「無咩甩過」！