男童撞見兇手揸槍伸懶腰
【本報訊】「當時我見到升降機口有個人瞓低，以為係公仔或者拍戲，於是改行後樓梯，落一層準備搭升降機。點知喺後樓梯見到個男人，佢右手揸住支槍，係咁郁隻手好似伸懶腰咁，嚇到我唔敢郁，等咗大約十分鐘，估計個男人走咗，先即刻改行第二條樓梯走！」十三歲姓曾男童，憶起上周六深夜遇見槍手一幕，仍歷歷在目。
居於欣晴樓的曾童，與父母及七歲弟弟同住，上周六晚，他往樂晴樓廿一樓朋友家玩耍，期間與友人突聽聞「嘭！嘭！嘭」三下聲響，初時以為是BB彈不以為意，其後離開返家，始見嚇人畫面。
電梯大堂目擊 以為拍戲
曾童憶述，當時瞥見一名男子，躺在廿一樓電梯大堂地上，以為是公仔或有人拍戲，遂改行後樓梯往二十樓搭升降機，詎料卻遇見槍手。他事後曾向人談及事件，但卻無人相信，至昨日上學再憶起事件，始感驚慌和手震，情急下哭了出來，老師和母親才知悉事情。
曾太稱，周日槍手與警駁火時，兩名兒子都在家中，亦聽到槍聲和巨響，幼子更被嚇至不能入睡，翌日突然發燒須看醫生；據她所知，樂晴樓一名女街坊，亦目睹姓廖死者伏屍電梯大堂。