太和站滲漏 水桶陣迎滴
港鐵車費有加無減，更聲稱每年投放超過五十億元進行維修和資產更新，惟服務質素卻被指每況愈下！今年的雨季剛到，港鐵卻未有於東鐵線太和站「做足準備」，以致早前大雨期間出現滲漏，港鐵僅以「水桶陣」應對。區議員直指站內出現滲漏已非首次，不滿港鐵過去僅「小修小補」，要求盡快翻新站內設施。
「已經唔係第一次見到有漏水，但估唔到港鐵竟然乜都唔做，淨係用啲膠桶裝水就算，如果跣親人就大件事！」太和站設有兩個出入閘口，吳小姐早前於近天橋的閘口，發現地面擺放逾十個膠桶，雨水則不斷從窗邊滲入，吳指即使地面已擺放「小心地滑」告示，惟途人受滴水影響而滑倒的危機仍不容忽視，不滿港鐵頻頻加價，但維修等配套卻差強人意，要求港鐵盡快正視問題。
僅窗外置薄膠補鑊
太和邨居民李小姐同樣批評港鐵管理不善，「大堂都擺咗個桶裝水，啲水由天花沿住幅牆係咁流落地下，人人都唔敢行埋去，都唔明白港鐵點解唔索性翻新個站，好明顯啲設施已經太殘舊啦！」
港鐵發言人表示，早前連續大雨期間，太和站天橋上一列窗口於雨勢較大時出現滲漏，車站職員已在靠近窗邊位置暫時擺放膠桶，避免雨水弄濕地面。此外，亦有安排維修人員全面檢查，承辦商亦會於天氣好轉時更換窗口的防水膠邊。發言人雖一再強調港鐵每年投放超過五十億元進行資產更新與維修，但對於被指「價照加、管理差」的指摘卻未有正面回應。
「一直都有居民反映太和站有漏水，但港鐵都冇正視，搞到依家愈漏愈犀利！」大埔區議員區鎮樺指太和站落成已逾二十年，設施已告老化，事件經本報轉介後，港鐵仍只於窗外設置薄膠阻擋雨水，認為補救措施治標不治本，要求港鐵大刀闊斧，盡快全面翻新站內的設施。
學者料設計出問題
香港專業教育學院（摩理臣山）建造工程系系主任陳子明認為，窗口膠邊出現滲漏或有不同原因，「可能係啲膠老化咗，或者已經甩咗出嚟，所以發揮唔到防風、防水嘅功效；又可能係先天設計問題，因為個窗口係半圓拱形，相信鋁窗係以『單紙口』嚟做搭口，深度唔夠所以影響防滲能力。」陳又稱，倘當初做工不理想，窗與框位不夠緊貼，亦會引致容易入水，認為要徹底解決滲水問題，可全面更換窗口設計，如改成密封式窗口。
記者：伍思明
攝影：詹海萍、呂耀焜