政情：公民講場：槍戰「抽水」？！阿芸喊冤

啟德啟晴邨前日發生槍擊案期間，九龍西立法會議員蔣麗芸（Ann）都有到場視察，因而被指「抽水」。阿Ann條氣好唔順，尋日就喺社交網站喊冤，透露有同事早已提佢，如果到現場可能會有人話佢「抽水」，但佢強調自己係當區立法會議員，仲申請緊屋邨辦事處添，發生咁大件事，到現場了解係好應該嘅。佢仲話，係咪以後城中有事，只要有記者在場，議員就要乾脆躲起來呢？其實據聞當日阿Ann話要進入警方封鎖範圍，但被警方拒絕，可能因為咁佢先至被質疑阻礙警方工作啫，如果只係向周邊嘅市民了解吓應該問題不大。