本來民記人 後轉獨立
林發耿喺九十年代持單程證來港，回歸後涉足政治，但經過○三年七‧ 一五十萬人上街一役，本來係民記黨員嘅林發耿決定退黨，改以獨立人士身份參選區議會並勝出。之後兩次區議會選舉，林發耿得票大幅拋離泛民對手，包括今屆以二千四百幾票擊敗公文袋候選人蘇耀坤。
有消息話，建制派一向都想叫林發耿唔好再參選，但佢一直唔肯退位，但今次爆出桃色醜聞，估計建制派一定會逼佢走。而在泛民嘅協調機制下，新民主同盟可以優先派人出選呢區，但公文袋立法會議員郭家麒就話，如果新民主同盟唔派人出選，該黨就會搵人挑戰林發耿，睇嚟林發耿來年選情真係危危乎。