政情：施榮恆密密開社企

將於火炭開烘焙工場

Ivan日前與一眾副主席及總理應邀出席東華三院歷屆主席會主席孫秉樞午膳聚會，Ivan就預告準備開社企花店，連舖位都搵埋，位於深水埗地段，依家正在裝修中，預計暑假後就可以開業。東華三院旗下服務單位多，年中有唔少畢業禮、就職禮、慶典等，齋做自己人生意，應該有得諗喎。此外，佢哋仲會喺火炭開多一間二千呎烘焙工場，加埋黃竹坑間餅房，可以為殘疾人士提供更多就業機會。

Ivan話，殘疾人士天分高，除咗識整餅，仲會畫出彩虹。東華三院已收集四十件由弱能人士創作嘅藝術品，八月將首次帶去美國洛杉磯展覽。東華三院前主席李三元自掏腰包逾百萬元，資助五位殘障藝術家及其家人前往交流，擴闊眼界，認真唔話得。