車房違泊 佔兩車線釀擠塞
車房霸佔行車線修理汽車，三線行車道變成單線行車！「一轉彎就即刻收窄，明明三條線變咗一條線，仲以為交通管制，開到去先知全部都係違泊，車房霸晒兩條線擺車！」林先生早前駕車由深水埗南昌街轉入通州街，期間前車突然收慢，道路變得極為擠塞，轉入通州街始發現有車房霸佔兩條行車線經營修理車輛生意。
警方五個月發70張告票
警方發言人指出，今年一月至今共接獲八宗涉及上址的相關投訴，並且發出約七十張定額罰款告票，又表示會提醒該店舖負責人不要違泊車輛，以免阻塞交通。
「我都明白搵食艱難，但係霸兩條線真係好過分，仲會令到後面嚟嘅車要突然收慢，真係好危險，希望做生意嘅都唔好咁自私！」林先生指霸路情況現時仍時有發生，要求警方增加巡查次數，以增阻嚇作用。