凍肉店霸路 被揭無牌經營
「間舖新開冇耐，已經學隔籬幾間舖咁放晒啲貨出嚟霸路，霸得仲厲害過隔籬左右！」林女士早前行經大埔懷義街，發現多間店舖將貨物置於行人路，其中一間新開張的凍肉店更佔用逾半行人路，嚴重阻礙途人出入，要求食環署嚴厲執法，還市民一條暢通道路。
「咁街坊買嘢咪冇保障？」
食物環境衞生署發言人表示，曾多次派員巡查，發現上址有人無牌經營新鮮糧食店，已作出檢控，並警告店舖負責人切勿在行人路擺放貨物，否則會被檢控。
林女士對食環署的回覆表示詫異，「我以為佢只係擺啲貨出嚟，點知原來仲係無牌經營，咁啲街坊買嘢咪好冇保障？」林要求當局作出檢控後應多加巡查，以免有關店舖繼續無牌經營，同時解決店舖將貨物置於行人路阻街情況。