探射燈：難忘喪夫痛 遺孀留夢魘
有人忘記了，有人卻一輩子也忘不了。在高空工作時意外身亡的張國強遺孀沈林芬坦言至今仍不忘喪夫之痛，但仍要從極度悲慟中站起來，沈提醒工人工作時要萬分小心，因為一次意外足以成為家人永不磨滅的傷痛。
「平日都會提佢做嘢小心啲，但佢成日話自己做咗幾十年，知道啦。」沈說，丈夫從事高空工作，她總是「心掛掛」，未料一失足竟成千古恨。「我當時無去出事現場，我成身都震晒，喺差館就暈咗。」意外後，沈一度情緒崩潰，「嗰時成日喊，又瞓唔着，一諗起件事，個頭就痛到爆。」她又指自己根本不能接受現實，其後晚上仍會開門等丈夫回家。
為家人着想 籲注意安全
「大時大節都係好難過，得自己一個食飯……」時日過去，但痛苦不滅，沈哭訴至今仍需接受心理輔導，更不時要服藥鎮頭痛才可入睡，「依家頭痛都係自己一個，以前老公好錫我，我唔舒服佢會好關心我。」縱使傷心依然，沈仍熬着椎心之痛，不斷到處以自身經歷警誡工友注意安全，「你條命唔係淨係你自己嘅，仲係你屋企人嘅。」