政情：公民講場：翟紹唐講就輕鬆 難為接班人

今日正式卸任嘅監警會主席翟紹唐，尋日接受電台訪問時「臨別秋波」，聲言「佔領中環」行動雖然係違法，但只要和平地進行同願意接受法律制裁，就唔會影響或破壞法治喎。翟紹唐又話，市民違反交通條例都係違法，但香港唔會因為有人違例泊車就法治受損。翟紹唐由今日起就唔使再處理警方與示威者嘅衝突，自然講得輕鬆喇！但係就難為同日開始接任嘅新主席郭琳廣囉。日後郭琳廣處理有關佔中嘅警察投訴時，啲投訴人實攞番翟紹唐呢番話嚟質佢。